Operacioni “Korrieri” kapet shpërndarësi i drogës në Tiranë/ Detajet

Policia e Tiranës ka finalizuar operacionin e koduar “Korrieri”, për goditjen e veprimtarisë kriminale në fushën e narkotikëve.

Në këtë operacion, të zhvilluar nga Komisariati Nr.2 në Tiranë, u arrestua shtetasi E.P, 32 vjeç, i cili dyshohet për shpërndarje të lëndëve të narkotike në doza të vogla.

Policia bëri të ditur se sekuestroi 342 gr. lëndë narkotike cannabis sativa.

Gjatë operacionit, punonjësit e Policisë e kanë konstatuar shtetasin E. P., në rrugën “Ndre Mjeda”, duke mbajtur në dorë qese në të cilat dyshohej se kishte lëndë narkotike.

Ky shtetas, sapo ka parë shërbimet e Policisë i ka hedhur qeset në tokë dhe ka tentuar të largohet, por është kapur nga punonjësit e Policisë.

LEXO EDHE  Konflikti në PD, Spiropali: Krenarë që s’jemi si ata, opozitari më i madh në vend është Edi Rama

Pas kontrollit, shërbimet kanë konstatuar se qeset ishin të mbushura me lëndë narkotike të dyshuar cannabis sativa, me peshë 342 gr. (një pjesë e ndarë në 207 qese të vogla farmaceutike), e cila u sekuestrua në cilësinë e provës materiale, së bashku me 1 aparat celular.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e lëndëve narkotike”.