Sot është diskutuar dhe po votohet raporti për integrimin e Ballkanit perëndimor në BE, rezultati i të cilit pritet që të dalë në orën 18:15 minuta të ditës së sotme.
Ndërkohë në deklaratat e bëra këtë të enjte nga raportuesit Picula dhe komisioneri për politikën e fqinjësisë dhe zgjerimit, Oliver Varhelyi në seance plenare kërkohet, që Këshilli i ministrave të aprovojë shpejt kuadrin negociues për të dyja vendet dhe data konkrete për çeljen e negociatave.
Gazetarja Erisa Zykaj raporton nga Brukseli për Abc News se Shqipërisë para se të mbëhet konferenca, i duket që të mbushë 15 kushte dhe ky është amendamendti që ne presim të shikojmë këtë të enjte nëse do të kalojë apo jo.
Është një raport që merr seriozisht të 85 pikat, sipas metodologjisë së re të zgjerimit të BE, ku një pikë është dhe pezullimi i negociatave nëse ka hapa pas që mund të konstatohen nga Komisioni Evropian apo nga shtetet anëtare.
“Nëse do të aprovohet ky amendament, do të ishte një risi nga Parlamenti Evropian Për Shqipërinë, që duhet medeomos që vendi ynë të përmbushë 15 pika.
Kjo do të thotë se me kushtëzimin prej 15 pikash vendi ynë ka tre pika që lidhen me procesin zgjedhor, ku kërkohet nje reformë zgjedhore sipas rekomandimeve OSBE-ODIHR, të vërtetohet ligjjshmeria e zgjedhjeve lokale që janë bërë në një klimë shumë të dyshimtë dhe transparencë për financimin e partive politike.
27 shtete të BE është pika që po e mban ende pezull, prezantimin e kuadrit negociues, ku Varhey ka dashur që ta bëjë këtë prezantim javën e kaluar por nuk ka mundur, pasi ka vështirësitë për plotësimin e kushteve. Është e vështirë të prezantosh një progres me mungesën e 6 kushteve të para që janë zgjedhjet, e dyta mosfunksionimi i Gjykatës Kushtetuese dhe të Lartë dhe ngritja e organeve specifike që merren me luftën ndaj korrupsionit dhe janë edhe 3 pika të tjera janë ulja e numrit për azilkërkuesit, ligji për mediat dhe goditjen e krimit të organizuar dhe ne fatkeqësisht akoma nuk kemi asnjë nga këto. Ka shumë pak progres në gjykatën e Lartë, mungesë të Kushtetueses, pezullimi i reformës Zgjedhore, dhe për Komisionin Evropian është e vështirë për të prezantuar progresin, Varhelyi ka thënë se ne do ta prezantojmë procesin e integrimit por për Shqipërinë është më e vështirë në krahasim me Maqedoninë e Veriut”, ka thënë gazetarja. /abcnews.al
