Ashtu siç pritej Maurizio Sarri, u shfaq tepër i zhgënjyer me humbjen e finales së Kupës së Italisë ndaj Napolit.
Duke folur për “Rai Uno”, Sarri tregoi se nuk ka folur me lojtarët në përfundim të ndeshjes pasi ishte i zhgënjyer nga perfomanca e skuadrës në tërësi si dhe foli për formën e Ronaldos duke thënë se portugezit ashtu si gjithë të tjerëve i mungon mprehtësia.
“Pas ndeshjes nuk fola me lojtarët pasi u zemërova dhe u zhgënjeva shumë, kështu që në këto momente është më mirë të heshtësh. Do të flasim kur të jemi më të qetë.”
“Ronaldo është në të njëjtën formë si të tjerët, si Paulo Dybala dhe Douglas Costa, atij i mungon mprehtësia për të bërë atë që funksionon më mirë për të”, ka thënë Sarri .
