Gjykata e Apelit ka dhënë sot vendimin për personat e akuzuar për vrasjen e Marvin Mihalit duke lënë në fuqi vendimin e Gjykatës së Tiranës.
Pra, është dënuar me 19 vite burg Dejvi Bitrajn dhe me nga 12 vjet burg tre të pandehurit e tjerë, Eugen Bitraj, Kridens Alla dhe Marsel Alla.
Eugen Bitraj, Marsel Alla dhe Kridens Alla i kishin kërkuar gjykatës t’i shpallë të pafajshëm, ndërsa i pandehuri tjetër, Dejvi Bitraj kishte pranuar vrasjen dhe kishte kërkuar ndryshimin e kualifikimit të veprës nga “vrasje me paramendim” në “vrasje në tejkalim të mbrojtjes së nevojshme”, kërkesë që me sa duket është marrë në konsideratë nga Gjykata.
Marvin Mihali u vra me thikë më 31 korrik të vitit 2017 në zonën e stadiumit “Selman Stermasi” ku shkak dyshohet se ka qenë një karikus.
Prinderit e Marvi Mihalit prej tri vitesh kanë qenë në një betejë të gjatë në kërkim të drejtësisë për djalin e tyre të vetëm ndërsa vitin e kaluar u gëzuan me ardhjen në jetë të një vajze së cilës i vunë emrin e djalit të ndjerë.
