VIDEO/ Makina e Kryeministrit përfshihet në një aksident para Parlamentit

Makina e kryeministrit britanik, Boris Johnson, u përfshi në një aksident mesditën e së mërkurës pasi doli nga godina e Parlamentit.

Në momentin që makina e Johnson, tip Jaguar, po ecte drejt “Downing Street”, një grup protestuesish i kaluan para, duke detyruar shoferin të frenonte me shpejtësi.

Ndërkohë, rojet e Johnson, të cilët po ecnin pas tij me një Range Rover, nuk ishin shumë të vëmendshëm, dhe goditën makinën e kryeministrit, duke shtrembëruar derën e bagazhit. Videoja e incidentit u shpërnda menjëherë në rrjetet sociale nga protestuesit që ishin aty pranë.