Ndikonte tek gjyqtarët dhe prokurorët, arrestohet avokati në Kurbin

Avokati Sami Dema, në Kurbin, është arrestuar nga policia pasi akuzohet për korrupsion. Sipas raportimeve, Dema iu merrte lekë personave të ndryshëm për të ndikuar tek gjyqatrët dhe prokurorët për të lehtësuar masat e dënimit.

Njoftimi i plotë:

Arrestohet një 56-vjeçar me profesion avokat në Kurbin i akuzuar për korrupsion. Shërbimet e Komisariatit të Policisë Kurbin, në vijim të punës për kapjen e personave në kërkim, bazuar në informacionet e marra në rrugë operative për vendodhjen e një shtetasi të shpallur në kërkim, organizuan punën duke bërë të mundur kapjen dhe vënien në pranga të shtetasit në kërkim S. D., 56 vjeç, banues në Kurbin, me profesion avokat.

LEXO EDHE  Berisha: Lulzim Bashën e pret vrima e miut, hiqni dorë nga mbështetja për të

Ky shtetas ishte shpallur në kërkim, pasi Gjykata e Posaçme Kundër Korrupsionit dhe Krimit të Organizuar, Tiranë, më datë 09.06.2020 i ka caktuar masën e sigurisë “Arrest në burg”, për veprat penale “Korrupsion aktiv i gjyqtarit, prokurorit dhe funksionarëve të tjerë të drejtësisë” dhe “Ushtrimi i ndikimit të paligjshëm ndaj personave që ushtrojnë funksione publike”.

Në vitin 2019, specialistët për Krimin Ekonomik e Financiar në DVP Lezhë kanë referuar materialet procedurale në Prokurorinë e Krimeve të Rënda për këtë shtetas, pasi ky shtetas, me profesion avokat, iu merrte lekë shtetasve të ndryshëm, me qëllim për të ndikuar tek prokurori apo gjyqtari, për lehtësim të masës së dënimit.