FOTO/ Masat anti-Covid, Cakaj shpërfill protokollet e OBSH, por edhe paralajmërimet e Ramës

Gent Cakaj, ministër i Jashtëm në detyrë, shpërfill rregullat e distancimit social në kuadrin e strategjisë anti-Covid.

Pavarësisht se shefi i tij, Kryeministri Edi Rama, u shfaq në një komunikim në rrjetet sociale, duke paralajmëruar një rimbyllje nëse rastet e koronavirusit vijojnë me të njëjtat shifra apo ka një përkeqësim të tyre, duke hedhur përgjegjësinë për situatën te qytetarët, ministrat e tij janë të parët që shpërfillim rregullat.

Cakaj shfaqet në një foto duke shtrënguar duart, ndërsa mban një maskë, por ai nuk respekton distancimin fizik. Nuk dihet nëse Cakaj e ka bërë me vetëdije apo jo shtrëngimin e duarve, por referuar udhëzimeve, në kohën që po kalojmë duhet të ruhet distancimi fizik dhe shtrëngimi i duarve.

LEXO EDHE  Fund i tmerrshëm apo tmerr pa fund

Nga momenti i shfaqjes së Covid-19, shumë prej liderëve politikë në vende të ndryshme jepnin shembujt e takimit me brryl , të tjerë duke përpjekur këmbët, madje duke shkaktuar edhe humor. Por duket se këto protokolle nuk kanë vlerë për ministrin Cakaj, që jo vetëm shpërfill protokollet, por duket se nuk merr seriozisht as paralajmërimet e shefit të tij Kryeministër.