Një shqiptar, 38 vjeç, ka mbetur i plagosur si pasojë e një aksidenti në Itali.
Shqiptari ishte shitës ambulant në tregun e Torinos. Ai u përplas nga karroceria e një mjeti, ndërsa ishte duke ushtruar profesionin e përditshëm.
Ngjarja ka ndodhur mbrëmjen e së shtunës. Shqiptari është transportuar drejt spitalit, pasi kishte marrë disa dëmtime.
Mjekët kanë bërë të ditur se ai do të qëndrojë për disa ditë i shtruar në spital për tu kuruar nga plagët e marra nga aksidenti.
