Nënkryetari i PD Edi Paloka u shpreh sot se Edi Rama po përdor patericat e Ballaopozitës në Kuvend me qëllim që të ndalojë me ligj koalicionet parazgjedhore.
“E nxorrën kokën më në fund! Nuk kanë hallin e listave të hapura, por merakun e projektit të Edi Ramës për të ndaluar koalicionet parazgjedhore.
I mbetur vetëm, Edi Rama po përdor patericat e Ballaopozitës në Kuvend me qëllim që të ndalojë me ligj koalicionet parazgjedhore.
Ky ka qenë projekti i tij që në nisje të debatit për sistemin zgjedhor. Sa më fort bërtasin për lista të hapura pa koalicione, aq më shumë shfaqen në sytë e opinionit publik, si konkubina dhe shërbëtorë të regjimit kriminal të Edi Ramës, që po mundohen të mbajnë në këmbë një kufomë politike”, shkruan Paloka në rrjetet sociale.
Reagimi i tij ka ardhur pasi “opozita e re” depozitoi në Kuvend disa propozime lidhur me Kodin Zgjedhor, ku veç listave të hapura, kërkohej edhe ndalimi i koalicioneve parazgjedhore.
