PD kërkesë KQZ: Të shkarkohet Kryebashkiaku Agron Malaj

Partia Demokratike i ka nisur një kërkesë Komisionit Qendror të Zgjedhjeve, përmes të cilës kërkohet shkarkimi i kryebashkiakut të Burrelit, Agron Malaj. Në letrën e firmosur nga Sekretari i Përgjithshëm i PD-së, Gazment Bardhi, shpjegohet shkelja e ligjit nga Malaj dhe kërkohet shkarkimi tij nga KQZ.

Kërkesa e Partisë Demokratike për KQZ ka të bëjë me “shqyrtimin e rezultatit të verifikimit të Prokurorisë së ‘Përgjithshme për funksionarin e lartë publik”.

“Pas 4 muajsh zvarritje, prokororia na ka dhënë të drejtë. Kryebashkiakut të paligjshëm të Matit duhet t’i hiqet mandati menjëherë. Ai është i dënuar për armëmbajtje pa leje dhe nuk duhet të mbajë më mandatin.

LEXO EDHE  Noka: Taulant Balla është shndërruar në zëdhënësin e Lulzim Bashës

Ligji i dekriminalizimit e thotë qartë se një person nuk mund të ushtrojë funksione publike me një dënim të tillë, edhe kur vepra penale deklarohet nga i dënuari, siç është rasti i kryebashkiakut të paligjshëm të Edi Ramës në Mat.

Ai jo vetëm duhet të largohet menjëherë, por me ligjin e dekriminalizimit ndalohet përjetë për të kandiduar. (Neni 2, pika 1, shkronja “a”)

Shqiptarët nuk e meritojnë të drejtohen nga kriminelët e Edi Ramës, nga vrasës, trafikantë droge, trafikantë vajzash, hajdutë dhe fallsfikatorë,” deklaroi Bardhi.