Sapo kanë përfunduar katër ndeshjet çerekfinale të vlefshme për Kupën e Shqipërisë.
Kështu Vllaznia ka arritur një fitore të ngushtë 2-1 ndaj skuadrës së Kukësit në ndeshjen e luajtur në “Loro Boriçi”. Vendasit e mbyllën pjesën e parë në avantazh të dyfishtë falë rrjetave të Silvio Zogaj-t dhe Hygor përkatësisht në minutat 7-të dhe 21-të. Në pjesën e dytë Teuta shkurtoi diferencat me anë të Kallakut, duke marrë kështu me vete në Durrës për ndeshjen e kthimit një gol në fushën kundërshtare.
Nga ana tjetër Kukësi arriti një fitore në sekondat e fundit 1-2 kundër Apolonisë. Verilindorët kaluan të parët në avantazh me anë të Cooper në minutën e 33-të, ndërsa vendasit barazuan në minutën e 70-të. Goli i fitores u shënua në minutën e 95-të ku hero u bë Bruno Lulaj.
Në ndeshjet e tjera, Bylisi mundi 1-0 Skënderbeun falë një goli nga ana e 21-vjeçarit Mario Barjamaj në minutën e 56-të. Ndërkohë Tirana shkatërroi 5-1 Besëlidhjen.
Ndeshjet e kthimit do të luhen pas 2 javësh.
