Zgjedhorja/ Gjiknuri: PD të pranojë marrëveshjen, ja çfarë ndodhi me Ramën pas zgjedhjeve të 2011

Damian Gjiknuri, anëtari socialist në Këshillin Politik, tha mbrëmjen e sotme në emisionin “Real Story” se zgjedhjet në 2009 nuk janë manipuluar dhe pasqyronin realitetin politik.

“Në ato zgjedhje PD mori 70 mandate, PS 66 dhe LSI 4, ky ishte realiteti politik”, tha Gjiknuri. Ai shtoi se tashmë ka një marrëveshje, e cila duhet të firmoset dhe pranohet nga opozita.

“Opozita po mban një qëndrim absurd. Ne morëm përsipër të zbatojmë kërkesa që nuk janë të përfshira në raportin e OSBE/ODIHR, ndërsa kur vjen puna te komisionet zgjedhore, opozita është kundër depolitizimit”, tha Gjiknuri.

LEXO EDHE  Ç’po ndodh në Shqipëri me Covid? Epidemiologu tregon pse virusi po infekton më shumë

Ai tha se humbja me 10 vota e Edi Ramës në zgjedhjet e 2011 bëri që ai t´i hyjë rrugës për tu bërë lider dhe të fitojë zgjedhjet në 2013. Gjiknuri tha se debate i vetëm që ka ndodhur lidhur me zgjedhjet në Shqipëri ka qenë ai I 2011 për Tiranën, për shkak të rezultatit të ngushtë prej 10 votash.

“Ia kam thënë në atë kohë personalisht Edi Ramës, ndaj dhe nganjehërë ndodh që i humburi i sotëm është fitues i nesërm dhe anasjelltas. Rama aty u fokusua për tu bërë lider”, tha Gjiknuri.