VIDEO/ Arrestohet shqiptari në Madrid, dyshohet se drejtonte një organizatë kolumbiane

Autoritetet policore në Madrid arrestuan një shtetas me origjinë shqiptare të shpallur në kërkim nga autoritetet holandeze.

Emri i tij nuk bëhet me dije, por sipas medieve, dyshohet se ai ishte kreu i një organizate kolumbiane-shqiptare, e cila merret me trafikimin e drogës dhe pastrimin e parave.

Hetimi për të gjetur vendndodhjen e tij filloi në shtatorin e vitit të kaluar kur u arrestuan disa persona dhe u gjetën në Holandë 12 milion euro.

LEXO EDHE  Dy të huajve u sekuestrohen 31 000 Euro të padeklaruara në Rinas

Ai u arrestua në shtëpinë e tij, ku agjentët sekuestruan më shumë se 40,000 euro në monedha të ndryshme (euro, dollarë amerikanë dhe dollarë kanadezë), 20 orë prej ari dhe xhevahire të shumta, të cilat kapnin vlerën e më shumë se 1 milion euro.

Gjithashtu u sekuestruan tre kompjuterë, gjashtë telefona celularë dhe një dronë.

Autoritetet spanjolle e kanë arrestuar shqiptarin në banesën e tij, ku ishte i izoluar për shkak të Covid-19.