Policia greke ka bllokuar rreth 20 kg marijuanë, e cila u gjet në një automjet që vinte nga kufiri greko-shqiptar.
Automjeti, ku u gjet lënda narkotike, ishte në ndjekje nga policia greke, ndërsa drejtuesi nuk iu bind shenjave të policisë për t’u ndalur.
Gjithsesi makina u bllokua në Agelokastro, Aitiloakarnania. Lënda narkotike ishte paketuar në 20 pako 1 kg.
Drejtuesi i mjetit, shtetas shqiptar, u arrestua. Gjithashtu policia ka arrestuar edhe pronarin e mjetit, një shtetas grek.
Policia greke ka sekuestruar edhe 3 aparate celulare dhe 200 euro.
