Pronar i kazinosë në ish Bllok, kush është viktima e dytë e atentatit në Kurbin

Vijon të rrethohet me mister atentati i dyfishtë që ndodhi mbrëmjen e djeshme në Laç ku mbetën të vrarë Bujar Lika (Hasani) dhe Paulin Gjergji, i cili mban po ashtu dy mbiemra, edhe Markaj.

Ky i fundit u transferua mbrëmjen e djeshme në spitalin e Traumës në Tiranë, e megjithatë nuk u shpëtoi dot plagëve të marra.

52-vjeçari, me origjinë nga qyteti i Laçit, është një emër jo pak i njohur në fushën e biznesit, pasi ka disa prona dhe objekte biznesi në Tiranë, mes tyre dhe një kazino në zonën e ish-Bllokut në Tiranë.

LEXO EDHE  Situata e pandemisë, Vasili: Jemi zhytur në qorrsokak, s'ka dritë në fund të tunelit

Bëhet fjalë për kazinonë Vegas, të cilën e Markaj e ka pasur edhe të regjistruar në QKB, siç mund ta shihni në foton e mëposhtme. Të gjitha dyshimet e deritanishme thonë se objektiv i atentatit ka qenë Hasani, dhe jo Markaj, por ndërkohë hetimet vijojnë, dhe derimë tani janë shoqëruar të paktën 30 persona, si të dyshuar apo që mund të kenë dijeni për ngjarjen. /Faxnews/