Premier League, zbulohen oraret e ndeshjeve

Premier League pritet të rifillojë më 17 qershor dhe deri në përfundimin e sezonit mbeten për tu luajtur edhe 9 raunde.

Kishte shumë pikëpyetje edhe për sa i përket orareve se kur do të zhvilloheshin takimet, por mesa duket gjithçka është vendosur sot. Projekti i rifillimit ka disa orare të pazakonta për kampionatin anglez, por që janë dukur të arsyeshme për drejtuesit.

Kështu në fundjavë, takimet që do të zhvillohen të premten do të startojnë në orën 20:00. Të shtunën janë caktuar oraret 12:30, 15:00, 17:30, 20:00, ndërsa të dielën janë 12:00, 14:00, 16:30, 19:00. Dhe të hënën sfidat do të startojnë në orarin 20:00.

LEXO EDHE  Vetëm 33 vjeç, ndahet nga jeta ish-futbollisti i Juventus

Për sa i përket sfidave të mesjavës, të martën ndeshjet do të zhvillohen në 18:00, 20:00. I njëjti orar vlen dhe për dy ditët e tjera, respektivisht të mërkurën dhe të enjten.