Mediu: Edhe Basha mbështet ndryshimin e sistemit dhe listat e hapura

Opozita e bashkuar diskutoi sot gjatë një takimi me kreun demokrat, Lulzim Basha, lidhur me ecurinë e reformës zgjedhore. Pas mbledhjes, e cila zgjati mbi 1 orë, kreu republikan, Fatmir Mediu, tha se çdo gjë e dërguar në tryezën e Këshillit Politik është vullnet i opozitës së bashkuar.

Ai u shpreh se ashtu si partitë opozitare, edhe kreu i PD Lulzim Basha, është pro ndryshimit të sistemit dhe hapjes së listave.

“Çdo gjë që është çuar në tryezë është vullnet i opozitës së bashkuar. Është e rëndësishme të shikojmë se në ç’ realitet jemi. Nëse ne kërkojmë qeverisje kujdestare dhe nga qeveria ka refuzim do të thotë se ka vullnet për manipulim të procesit zgjedhor.

LEXO EDHE  5 të mbytur në një javë/ Malltezi-Klosit: Ku është Federata e Shpëtuesve të Ujit?

Kemi rënë dakord në parim për koalicionet për ndarjen e mandateve sipas votave që japin qytetarët shqiptarë. Edhe zoti Basha është për ndryshimin e sistemit por edhe për të këtë situatë të papranueshme ku nuk i jepet mundësi shqiptarëve të votojnë për ata që duan”, tha Mediu.