Policia italiane arrestoi 9 persona, 4 prej të cilëve shqiptarë, në kuadrin e një operacioni të koduar “San Silvestro”, kundër një grupi kriminal italo-shqiptar që merrej me trafikun e lëndëve narkotike.
Mediat raportojnë se shqiptarët e arrestuar janë Geraldo Ismailaj, 42 vjeç; Alban Limaj, 32 vjeç; Erfan Bajrusi, 24 vjeç dhe Alvaro Aliaj, 28 vjeç.
Sipas mediave italiane për 5 nga të arrestuarit është dhënë masa e sigurisë arrest me burg, ndërsa për 4 të tjerë arrest shtëpie.
Policia sekuestroi sasi të mëdha droge si 3750 kilogramë marijuanë, 50 kilogramë hashash, 1 kilogram kokainë dhe 1 kilogram heroinë.
Nga raportimet mësohet se grupi e siguronte drogën në Shqipëri dhe më pas transportohej drejt Italisë, ku edhe fillonte shpërndarja nga anëtarët e grupit kriminal.
