Pasojat e Covid/ Nasto: 20% e bizneseve kanë falimentuar, 120 mijë punonjës humbën vendet e punës

Bizneset e vogla dhe të mesme janë ndër më të goditurat nga pandemia Covid-19.

I ftuar në emisionin ”Ditë e Re” në ”RTV Ora”, kreu i shoqatës së biznesit të vogë Albert Nasto, tha se 20% e bizneseve kanë falimentuar dhe 120 mijë punonjës kanë mbetur të papunë.

Albert Nasto: ”Problemet janë të ndryshme. Në Shqipëri, 95% e bizneseve janë të vegjël dhe të mesëm, të cilat kanë të punësuar nga 1-4 punëtorë, dhe 5% është biznes i madh ku ka të punësuar mbi 200 punonjës. Me urdhër të qeverisë për shkak të Covid-19, mbyllën qepenat 91 mijë biznese, vetëm 6 mijë biznese u lejuan të punonin. Ne kemi thënë më parë që biznesi mund t’i rezistojë krizës vetëm rreth 20 ditë, tashmë kanë kaluar 3 muaj

Prandaj tani shumë prej bizneseve jepen me qera. Ne i bëmë 11 kërkesa qeverisë shqiptare dhe u plotësua vetëm 1 kërkesë, shtyerja e bilanceve. Biznesi sot që po hapet, 20% e tyre janë të falimentuar. Flasim për mijëra vende pune. Janë 70 mijë që kanë dalë pa punë por ne si shoqatë shohim sipas nesh se janë rreth 120 mijë të papunë.”

Nasto nënvizoi hapjen e lëvizjeve pasi nëse paralajmëroi se nëse vazhdohet kështu  85% përqind e biznesit të vogël do të falimentojë.

LEXO EDHE  30 vjet nga 2 korriku ´90, Meta: Të përmbushim sa më parë kushtet për nisjen e negociatave me BE