Revolta e fermerëve/ Basha: E gjithë Shqipëria punon për 5 oligarkë (VIDEO)

Kreu demokrat, Lulzim Basha, pas takimeve me fermerë në tregun agro-ushqimor në Rrogozhinë, tha se gjendja e fermerit shqiptar është katastrofale.

“Propaganda me regji qendrore nuk mund të fshehë dështimin e Edi Ramës. Sepse paratë që u jepen oligarkëve do të mjaftonin që fermeri shqiptar të paktën ta mbante kokën mbi ujë në këtë periudhë.

Gjëja e parë, shpëtimi, është vota e lirë. E gjithë Shqipëria punon për 5 oligarkë, por kjo duhet të marrë fund. Kjo është Shqipëria reale, jo ajo që shfaqet me regji qendrore dhe që duhet të marrë fund sa më parë”, tha Basha.

Reagimi i Bashës erdhi pas bashkëbisedimit me fermerë të zonës, të cilët i janë ankuar për mungesën e ndihmës nga Qeveria.

LIVE – Nga Tregu Agro-Ushqimor në Rrogozhinë.

LIVE – Nga Tregu Agro-Ushqimor në Rrogozhinë.

Gepostet von Lulzim Basha am Mittwoch, 27. Mai 2020

“Asnjë ndihmë nuk kemi parë me sy! Asnjë! Fare!”, ishte ankesa e parë që Basha dëgjoi nga fermerët.

Një zonjë, ndër të parat që u takua me Bashën, tregoi për vështirësitë që po përballonte e vetme, pa asnjë mbështetje nga pushteti lokal: “Jam vet i katërt. Vet sëmurë, burrin sëmurë. Kam dy goca. I kam kërkuar këtyre këtu… telefon me bë detyrat!!! “Jo po nuk bëhet….” Ndihmat kanë shkuar ku ka vila. Ndihmat në vila. Tallen me ne.

LEXO EDHE  Vrasja në Gjirokastër, arrestohet autori i dyshuar/ Policia zbardh detajet

Më thanë këtu që”jepi helm burrit”. Helmoje!!! Unë të ha burgun dhe të le fëmijët jetimë. Ku shkojnë këto takasat tona?! Asnjë lloj gjejë nuk na kanë sjellë. Unë deri në orën 9 jam këtu. Burrin e kam me depresion, ku ta çoj që të humbasë mendjen…Gocën e madhe e kam në vitin e parë. Goca ime nuk fiton dot notën e vet në shkollë, se e thotë ai “e kam vulën unë”. Dhe nuk më jep deftesën. Fëmijët e mi, që jam gjysëm robi, po rriten rrugëve. Nuk më përfillin, as drejtim shkollës s’m’i japin. Ia paguaj shtetit me ujë të gjitha. Nëse pot ë rrej…Hajde me mua, t’i shikojmë të gjitha,” insistoi zonja.