Ministrja e Kulturës, Elva Margariti, foli mbrëmjen e sotme në emisionin “Open” për shembjen e godinës së Teatrit Kombëtar. Ajo tha se si arkitekte do e pranonte shembjen e teatrit.
Pse u bë aksioni i shembjes së Teatrit Kombëtar në atë orë?- e pyeti Eni Vasili.
“Kjo është një pyetje që më është bërë disa herë. Por kjo pyetje nuk ka lidhje me mua. Aksioni në atë orë u vendos nga të tjera institucione.
Unë nuk e di se çfarë bën Bashkia, sikundër Veliaj nuk e di se çfarë bëhet në Ministrinë e Kulturës. OSHEE mund të ketë një aksion diku tjetër dhe unë nuk mund të kem njohuri për këtë”, tha Margarita.
E pyetur lidhur me dhunën ndaj protestuesve, Margariti tha se edhe punonjësit e Teatrit u dhunuan 1 vit më parë, nga ata që sot denoncojnë dhunën.
“Mua më vjen keq për dhunën, e kam përjetuar njëlloj si atëherë si sot”, tha ajo.
