Aktorja dhe aktivistja në mbrojtje të Teatrit Kombëtar, Juli Emiri tregoi për televizionet momentet e para kur mësyu policia në ambjentet e godinës.
Ajo tha se ishte në tarracën e Teatrit bashkë me Neritan Liçajn e disa të tjerë kur kanë hyrë forcat speciale.
Pati forcë dhe asnjë komunikim, sipas saj. Kur nisi goditja e godinës, Emiri, thotë se paralajmëruan policinë se ka njerëz brenda. Por sipas saj, përgjigja që morën ishte: Aty të rrinë.
Aktorja deklaron se ky është një moment i madh kthese. Ose Shqipëria bëhet një vend normal pas kësaj që ndodhi, ose ne kthehemi në diktaturë, pohoi ajo.
