Robert Aliaj: Rama do të kujtohet si njeriu që zhduku historinë (Video)

Robert Aliaj i ftuar në emisionin “Kafe shqeto” të moderatorit Flavio Qarri ka rrëfyer përjetimin e tij për shembjen e teatrit. Artisti ka pohuar se me teatrin u rrënua dhe një pjesë e tij. Aliaj është shprehur se  teatri i përket gjithë kombit si vlerë historike dhe si identitet. Sipas tij, godina e re, nuk ka shans ti përqaset sadopak edhe nga bukuria teatrit të dikurshëm.

Ajo e teatrit ishte një ngjarje e paprecedentë. E përjetova si një rrënim të një pjese të timen. Mu duk vetja sikur po dërrmohesha. Në atë skenë jam ngjitur shumë shpesh edhe si organizator eventesh. Iku një pjesë e imja si qytetar i Tiranës. Unë besoj që të gjithë ata që kanë lindur në Tiranë, po jo vetëm janë të lidhur me teatrin. Teatri Kombëtar dhe Teatri i Operas kishin cilësi tjetër. Pjesa tjetër ishte tallava. Me shembjen e teatrit ndodhi diçka pozitive. Ai u çimentua në memorien e brezit të ri”, ka pohuar Aliaj.

LEXO EDHE  Situata në Kakavijë/ Paloka për Ramën: Nga lluksi i Dhërmiut, i sheh shqiptaret në TV e mërmërit: ”Tope, tope o ...”

Aliaj ka theksuar se kryeministri do të ngelet në memorien e njerëzve për keq.

“Ai do të bëj mitin e vet. Thotë le të zhduk Musolinin dhe Hitlerin, të zhduk dhe gjithçka ka ndodhur më parë dhe të fillojë historia nga unë. Sigurisht që do të ngelet në memorie Edi Rama, se nuk ka si të mos ngelet. Të gjithë ngelen në kujtesë sidomos këta njerëz, që shembën teatrin, por do të kujtohet për keq”, ka shtuar Robert Aliaj.

Në përfundim, artisti tha se zgjidhja më e mirë do të ishte rindërtimi i teatrit atje ku ishte dhe siç ishte.