Ylli Manjani, ish-ministër i Drejtësisë, ka reaguar ashpër ndaj shembjes së Teatrit Kombëtar, duke e cilësuar atë si barbari.
Manjani thekson se dhuna e sotme ndaj shqiptarëve quhet diktaturë.
“Diktaturat nuk bien me dialog, por me rezistencë. Nuk bien e as mbahen në këmbë nga deklarata idiote ambasadorësh, që pushtetin më të madh që kanë janë vizat! Pika mu në to! Nuk ua duam.
Na ka rënë për hise të përballemi. Ndaj duhet të përballemi. Nuk është më çështje godinash, por dinjiteti njerzor, Lirie dhe demokracie.
Nuk është aq i fortë sa shet mend! Nuk e mbron dot më as policia politike diktatorin!”, shkruan Manjani.
Postimi nga Ylli Manjani
“Sot nuk është koha me dhënë mend. As ti biem samarit të opozitës meqë skemi ç’ti bëjmë gomarit të Surrelit.
Trishtimi është i madh.
Por diktatura nuk lindi mbrëmë. Ajo ka kohë midis nesh. Të paktën që kur shteti mbylli dyert e gjykatave dhe pushteti monist mori çdo gjë nën kontroll.
Dhuna ndaj trashëgimisë së të parëve është BARBARI. Dhuna ndaj shqiptarëve të sotëm quhet DIKTATURË!
Ndaj koha është të dalim në rrugë, pa orar e pa limit deri sa diktatura të thyejë qafën. Me çdo mjet!
Diktaturat nuk bien me dialog, por me rezistencë. Nuk bien e as mbahen në këmbë nga deklarata idiote ambasadorësh, që pushtetin më të madh që kanë janë vizat! Pika mu në to! Nuk ua duam.
Na ka rënë për hise të përballemi. Ndaj duhet të përballemi. Nuk është më çështje godinash, por dinjiteti njerzor, Lirie dhe demokracie.
Nuk është aq i fortë sa shet mend! Nuk e mbron dot më as policia politike diktatorin!
Përulem me respekt ndaj atyre që protestuan dhe ende protestojnë hapur.
Edhe një lutje për mjekët. Mos u bëni policë sanitarë të diktaturës!
Distancohuni duke u pozicionuar hapur pro lëvizjes dhe hapjes së vendit. Ju e dini shumë mirë që kjo që bën sundimi nuk ka lidhje me arsyet mjeksore.
Rrëzojini këto alibi të shëmtuara që i keni dhënë diktaturës.
Bëhuni mjekë, jo policë politikë!
Jeni betuar te Hipokrati, jo e autokrati!”-shkruan Manjani.
