FIFA ka vendosur të anulojë çmimin e “The Best” për sezonin aktual.
Ceremonia pritej të mbahej në Milano në muajin shtator, por kjo gjë nuk do të ndodhë si pasojë e pandemisë së coronavirusit.
Kjo do të thotë që futbollistë si Lionel Messi dhe Cristiano Ronaldo, nuk do të mund të konkurrojnë për çmimin e “The Best Men’s Player” i cili do të mbetet vakant.
Fituesi në fuqi i këtij çmimi është Lionel Messi, ku vitin e kaluar la pas vetes Ronaldon dhe Virgil Van Dijk.
