Skuadrat kombëtare mbyllën një fushatë tjetër kualifikuese siç ishte ajo e Botërorit 2026. Një pjesë e mirë festoi, por shumica u zhgënjyen pasi nuk arritën objektivat e tyre.
Mbrëmjen e së martës u luajtën ndeshjet që dhanë verdiktet e tyre përsa i përket skuadrave të kualifikuara, por u luajtën edhe ndeshje miqësore. Momente këto që sollën ndryshime në klasifikimin e FIFA në krahasim me atë të pak ditëve më parë.
Kështu kombëtarja shqiptare që zhgënjeu në miqësoren me Ukrainën ra edhe një pozicion në renditje dhe tani e sheh veten në vendin e 64 me 1388.06 pikë, 3.58 pikë më parë se në renditjen e javës së kaluar.
Ndryshe ndodhi me Kosovën që fitoi një pozicion duke u ngjitur në vendin e 78 pavarësisht humbjes së dhimbshme me Turqinë në finalen e playoffit. Skuadra dardane shkon në kuotën e 1318.83 pikë, 6.60 pikë më pak në krahasim me klasifikimin paraardhës.
