Nga Boldnews.al
Ai ka çehre, tip bobi e quajnë “çunat problematik” të Rilindjes. Nëse do një fitore me merifet dhe jo me votë të drejtë, lërjani në dorë Damian Gjiknurit dhe ai e ka treguar veten se të “fiton” në çdo bastion të kundërshtarit. Në fund i fut një tërmet elektoral dhe sërish është i gatshëm për të bërë xholin e radhës për Partinë Socialiste, duke manipuluar edhe kundërshtarin politik. Sot opozita kujtohet se përballë kanë një djalë të “paqëndrueshëm” si bashkëkryetar i Reformës Zgjedhore, por kur u ulën në tavolinë, e amnistuan Damianin, këtë diamantë të kryeministrit, i cili u përfshi në çështjen e krimit elektoral në Dibër, në vitin 2016.
Për disa kohë, opozita e konsideroi si “autorin kryesor të krimit”, por më pas u ulën në një tavolinë me të, duke e parë drejt e në sy, si një nga bashkëkryetarët e Reformës Zgjedhore. Ditët e fundit Gjiknuri po kundërshtohet nga përfaqësues të opozitës të cilët shprehen se ai dhe Partia Socialiste kërkojnë të zvarrisin procesin dhe se kundërshton thuajse çdo nismë të opozitës.
Kjo është më e pakëta që mund të bëjë Gjiknuri, i cili tashmë ka marrë një revansh ndaj përfaqësuesve të opozitës. Për më shumë, pak ditë më parë ai dekraoi se edhe nëse PD dhe LSI nuk bien dakord, atëherë në mënyrë të njënashme ishte gati që të “firmoste” ndryshimet ligjore në Reformën Zgjedhore dhe ti kalonte ata në Parlament vetëm me votat e PS-së dhe opozitës së vetëshpallur.
Ky qëndrim pritej dhe nuk është një risi, por zhgënjimi i disatë vjen për përfaqësuesit e PD dhe LSI të cilët pretenduan dhe shpresuan se Damiani kishte kaluar nga “çun problematik” në një zyrtar të përgjeshëm, i angazhuar në reformimin e sistemit zgjedhor. Koha po kalon dhe palët janë ende larg marrëvëshjes, për më shumë duket se po shkelmojnë me dëshirë edhe ato pika takimi. Shigjetat janë nisur drejt Gjiknurit, por ai mban, është mësuar me këtë ritëm dhe nuk heq dorë lehtë nga marifetet në proceset zgjedhore.
Përveç “besimit” politik si Rilindas, edhe besimin shpirtëror e ka të veçantë, beson në sektin Guru, madje i është ulur në gjynjë familjarisht gurusë Indian Paramahamsa Vishewanda, i cili i përket një sekti të paqartë dhe të dyshimtë. Guruja indian Paramahamsa Vishëandanda prej vitesh ka themeluar sektin fetaro-shpirtëror të quajtur ‘Bhakti Marga’, madje shfaqet në video duke vjellë monedha ari.
Me dy lidera shpirtëror si Rama dhe guruja Indian, bashkëkryetari i Reformës në Drejtësi thjesht po bën atë që di më mirë: një reformë të përciptë e cila kurrsesi nuk do e largojë Partinë Socialiste nga “çunat problematik”, sidomos ata me gradë “shkencore” në fushën e trafikimit.
