Komisioni i Pavarur i Kualifikimit vendosi të ndërpresë rivlerësimin për prokuroren e Shkodrës Marjana Shtjefni, e cila kishte kërkuar dorëheqjen pranë Këshillit të Lartë të Prokurorisë në dhjetor 2019.
Trupa e KPK e përbërë nga Pamela Qirko, Etleda Çiftja dhe Lulzim Hamitaj, tha se konfirmohej “vullneti i pavetuar i subjektit për dorëheqje”.
KPK thotë se ishte vendosur ndërprerja e procesit të rivlerësimit dhe po ashtu vendosur edhe kufizimi për të mos lejuar përfshirjen në sistemin e drejtësisë për 15 vjet.
“Të deklarojë humbjen e së drejtës së këtij subjekti për t’u emëruar gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm, për një periudhë 15-vjeçare”, thuhet në vendim.
DENONCO