Një 63-vjeçare ka ndërruar jetë pasi ishte prekur nga koronavirusi në Kosovë.
Lajmi është konfirmuar nga Ministria e Shëndetësisë në Kosovë, e cila ka bërë të ditur se 63-vjeçarja ka ndërruar jetë në Klinikën Infektive, ku qëndronte e shtruar prej 9 ditësh.
Sipas njoftimit të ministrisë, 63-vjeçarja kishte edhe sëmundje të tjera bashkëshoqëruese. Deri tani, në Kosovë kanë ndërruar jetë 29 persona.
Numri total i personave të konfirmuar me COVID-19 ka shkuar në 895. Nga ata janë shëruar 657 persona.
Ndërkohë, Instituti Kombëtar i Shëndetësisë Publike të Kosovës deri më tani ka testuar 10 mijë e 130 persona të dyshuar për koronavirus.
