Eksperti i shëndetit publik, dr. Erion Dasho, përmes një postimi në rrjetet sociale shprehet se pas studimeve rezulton se vdekshmëria nga Covid-19 është shumë më e ulët se sa mendohej.
Referuar shifrave të studimeve në New York dhe Gjermani, ku rezulton se vdekjet nga Covid ishin 0.46 % dhe 0.37 %, Dasho shkruan se aplikimi i masave shtrënguese mbi gjithë popullatën është jo vetëm i panevojshëm, por edhe i dëmshëm për të moshuarit dhe të sëmurët.
“Duke u marrë me personat e shëndetshëm dhe të rinj të cilët nuk kanë nevojë për kujdes (pasi rreziku i tyre është shumë i ulët), “hollohet” përpjekja për të moshuarit dhe këta rrezikohen shumë më tepër. Sidomos tani në kushtet e hapjes”, shkruan Dasho
Postimi nga Erion Dasho
Pas studimit në New York që e llogariti vdekshmërinë nga COVID-19 në 0.46% (pra në 1,000 persona të prekur nga COVID, rrezikojnë të humbin jetën 4 ose 5 prej tyre), studimi i dytë në Gjermani e llogarit vdekshmërinë akoma më të ulët (0.37%). Për krahasim, një epidemi gripi e ka vdekshmërinë 0.1% deri 0.2%.
PRA, SHKALLA E RREZIKUT NGA COVID ËSHTË SHUMË MË E ULËT SE SA MENDOHEJ NË FILLIM. ME KAQ SA NJOHIM DERI TANI, RREZIKU i VDEKJES NGA COVID DUKET SE ËSHTË 2 OSE 3 HERË MË i LARTË SE GRIPI.
Mbi të gjitha, sot është provuar se ata që kanë rrezik më të lartë se të tjerët janë personat e prekur nga sëmundje të caktuara kronike dhe personat mbi 65 vjeç.
Aplikimi i masave shtrënguese mbi gjithë popullatën është jo vetëm i panevojshëm, por edhe i dëmshëm për të moshuarit dhe të sëmurët. Duke u marrë me personat e shëndetshëm dhe të rinj të cilët nuk kanë nevojë për kujdes (pasi rreziku i tyre është shumë i ulët), “hollohet” përpjekja për të moshuarit dhe këta rrezikohen shumë më tepër. Sidomos tani në kushtet e hapjes.
SHOQËRIA SHQIPTARE DUHET TË KUJDESET PËR TË MOSHUARIT DHE TË SËMURËT DHE TË LEJOJË QYTETARËT E TJERË TË KENË NJË AKTIVITET TË LIRË DHE PA KUFIZIME. ZGJIDHJET i KEMI TË GATSHME NË BOTË. NUK KA NEVOJË TË SHPIKIM.
