Ish-ministri i Shëndetësisë në qeverinë e Fatos Nanos, Leonad Solis, tha se pandemia e Covid-19 u përballua mirë, edhe për shkak të masave të marra në kohën e duhur.
Solis tha se Covid-19 nuk është si gripi, pasi nga ky i fundit mund të ketë infektime në masën 8 apo 20 %, ndërsa nga koronavirusi infektimet mund të arrijnë deri në 80 %.
“Koronavirusi tregoi se gjunjëzon shtetet, sikundër ndodhi në Itali apo Spanjë”, tha Solis,
Ai shtoi se qeveria duhet të ketë një strategji më fleksibël, dhe spitali “Shefqet Ndroqi” duhet të kthehet në misionin e tij parësor, pasi sëmundjet e tjera po bëjnë naming.
“Pacientëve duhet ti afrohet shërbimi, duhen shtuar testimet. Fazën e parë Shqipëria e kaloi shumë mirë, faza e dytë vjen në vjeshtë ose në dimër. Zakonisht viruset bëjnë mutacione, dhe mundet që në valën e dytë apo të tretë, të ketë një forcë më të madhe. Nëse do më pyesnin cilën vdekje do zgjedh atë nga koronavirusi apo varfëria, zgjedh
Covid-19 për t´u përballur”, tha Solis.
Sipas tij, përballë Covid-19 secili duhet të mbrojë veten e tij, duke respektuar ato masat që tashmë dihen.
Ai tha se masat e mbrojtjes le të shpresojmë se do të jenë afatgjata dhe të shpresojmë që mutacioni që do pësojë virusi të jetë zbutës.
