A po lind një dashuri e re mes Ramës dhe Metës: Ja si përgjigjet presidenti

I pyetur nëse ka një marrëveshje të re me kryeministrin Rama, Presidnti Meta tha në një lidhje direkte në emisionin “Opinion” se ai ka kryer përgjegjësinë e tij në rolin e kreut të shtetit. Meta theksoi gjithashtu faktin se rruga më e mirë për të adresuar problemet nuk është duke vënë në dukje mangësitë.

“Së pari nuk do doja të flisja për dashuri në kohën e pandmisë. Bëhet fjalë për një ushtrim të përgjegjshëm të përgjegjësive të mija si president në rolin e kreut të shtetit. Nëse dikush mendon që unë duhet të vë theksin tek mangësitë apo te gjërat që nuk janë bërë si duhet në kohën e duhur nuk mendoj se kjo është rruga më e mirë për të adresuar problemet. Ka nevojë për të dhënë mesazhe bashkëpunimi kudo pasi e kemi parë që ky virus nuk bën dallime”, tha Meta.

LEXO EDHE  Sa zgjat imuniteti ndaj koronavirusit?/ Ja çfarë thotë epidemologu i njohur shqiptar

Sa i përket idesë që Presidenti ka përsëritur disa herë para krizës se mazhoranca ka kapur të gjitha institucionet, Meta tha se ajo nuk mund të rishikohet pasi është një qëndrim i kosoliduar. E rëndësishme tha ai është që komiteti i ekspertëve të jetë sa më i pavarur në këtë periudhë.