Matteo Renzi, ish-kryeministri i Italisë, mendon se futbolli në vend duhet të rikthehet sa më parë, duke dalë hapur kundër Ministrit të Sportit, Vincezno Spadafora.
Duke folur në një bisedë direkt në “Instagram”, me Gianluigi Pardo, Renzi, ka sulmuar Spadaforan për deklaratën e tij ku ka thënë që momentalisht në Itali nuk mund të flitet për futboll.
“Ne duhet të rifillojmë përsëri, në futboll dhe në çdo sektor. Nuk mund të vazhdojmë të qëndrojmë akoma të mbyllur. Si mundet që Spadafora thotë që nuk mund të flasim për rifillimin e futbollit. Ministri i Sportit nuk mund të flas për këtë, ai nuk është mjeshtër i futbollit. Në sport luhen interesa të mëdha që shkojnë përtej lojës, shumë njerëz varen nga kjo gjë”.
“Pra për diçka të tillë nuk mund të vendosë një ministër i vetëm, të vendosë Parlamenti, profesionistë dhe ata që e kuptojnë futbollin”. -ka thënë kryetari i Partisë “Italia Viva”.