Spadafora vijon replikat me Ronaldon: E ndjen veten mbi të tjerët, protokolli është shkelur dukshëm!

Ministri Italian i Sporteve në itali, Vincenzo Spadafora pak ditë më parë u përfshi në replika me yllin e Juventusit, Cristiano Ronaldo.

Ai e akuzoi portugezin për shkelje të protokollit për Covid-19 por përgjigja e CR7 nuk vonoi. Pesë herë fituesi i “Topit të Artë”, deklaroi se ka respektuar të gjithë rregullat dhe se tashmë është i izoluar në një hotel të Torinos.

Megjithatë Spadafora ritheksoi faktin që Ronaldo ka shkelur rregullat e karantinës e protokollin dhe i kujtoi Ronaldos se si futbollist i famshëm, duhet të jetë shembull për të tjerët.

“Kampionët e mëdhenj e ndjejnë veten mbi të gjithë të tjetër. Kur ka shkuar në Portugali, ka shkelur protokollin dhe ky është një fakt. Jo më kot është hapur një hetim në prokurori, me sinjalizimin e ASL-së së Torinos, por edhe një hetim në Prokurorinë Sportive. Mesazhi që duhet të japin njerëz si ai, është ai i respektimit të rregullave dhe unë kam thënë mendimin tim qartazi, pavarësisht se Ronaldo ka miliona ndjekës në Instagram”, u shpreh Spadafora.