Analisti Andi Bushati akuzoi Kryeministrin Edi Rama se ka nisur makinerinë e propogandës në këtë situatë epidemie.
“Po bën propogandë që po na rrokanis kokën të gjithë shqiptarëve.
Në këtë pandemi ne ishim një vend me fat që nuk pësuan atë që ndodhi në Spanjë apo Lombardi, që njerëzit të vdisnin në rrugë.
Unë nuk mendoj se ne kemi shëndetësinë më të mirë se ajo në Lombardi apo në Madrid, çështja është pse disa vende janë më shumë të prekura dhe pse të tjerat janë më pak”, tha Bushati.
Në vijim, analisti tha në emisionin Open se opozita në këtë situatë bëri opozitarizëm me çdo çmim.
“Nga LSI dolën zërat se Edi Rama po e zmadhonte situatën që të anulohej mitingu i Metës, pastaj e njëjta opozitë doli dhe tha se masat e Edi Ramës ishin të vonuara”, tha Bushati.
