Foto/ Ndërron jetë ish-sulmuesi i Liverpool-it

Ish-sulmuesi i Liverpoolit dhe i Republikës së Irlandës, Michael Robinson, ka vdekur pas një beteje të gjatë kundër kancerit.

Vdekja e 61-vjeçarit u konfirmua sot nga familjarët e tij si dhe nga skuadra e Liverpool-it. Në një mesazh në Tëitterin zyrtar të “The Reds”, thuhet:

“Ne jemi shumë të pikëlluar për humbjen e ish-lojtarit tonë Michael Robinson, në moshën 61 vjeçare. Mendimet e të gjithëve në Klubin e Futbollit të Liverpool-it janë me familjen dhe miqtë e Michael në këto kohë të trishtueshme”.

Robinson, fitoi Champions Leaguen me Liverpoolin në vitin 1984 dhe bëri 24 paraqitje për Republikën e Irlandës, kishte vuajtur nga kanceri i lëkurës.

LEXO EDHE  Derbi në Kupën e Shqipërisë, dalin biletat për Dinamo-Partizani, detajet

Përveç Liverpoolit, në karrierën e tij Robinson ka luajtur edhe me Manchester Cityn, Preston, Brighton, QPR dhe Osasuna.