Matteo Salvini, lideri karizmatik i Lega Nord, i është drejtuar me një thirrje të fortë italianëve për të protestuar, duke respektuar masat e sigurisë, distancën dhe maskat.
“Ka kaluar një muaj e gjysmë që ata na bëjnë të diskutojmë përmes kompjuterit. Ne duhet të kthehemi në rrugët dhe sheshet tona, duke respektuar kufijtë dhe rregullat, për të ardhmen dhe lirinë”, është shprehur Salvini, duke ftuar italianët të protestojnë kundër masave ‘bllokuese’ të vendosura nga qeveria.
“Duhen sens i përbashkët dhe guxim, duhet t’u besojmë italianëve dhe t’i bëjmë ata të kthehen tek shpresa, fitimi, ecja, puna, ëndërrimi.
Punëtorët, sipërmarrësit, artizanët, restauratorët, tregtarët, punëtorët e përkohshëm dhe baballarët e familjes nuk mund të presin më”, thekson drejtuesi i Lega Nord.
“Një numër i madh i qytetarëve kërkojnë nga ne që të organizohemi, jo vetëm në internet. Të sigurt, me maska, në distancë, paqësore dhe të vendosur, ne jemi gati”, njofton ai.
“Përveç virusit, uria dhe mungesa e lirisë? Ne nuk mund ta lejojmë. Para së gjithash, Italia dhe italianët”, thotë ai.
Në vijim ai thekson “pse të hapen shumë biznese në qershor? A e ka kuptuar dikush në qeveri që shumë nuk do të rihapen nëse vazhdojnë kështu?”.
“Ata krijuan 15 Task Force për të arritur mbylljet deri në maj. A mund të themi mjaft? Pas 47 ditësh burgim le të themi edhe sa duhet, na lini të punonojmë dhe bëjmë jetën tonë, sigurisht kurrë si më parë “, tha Salvini.
