Babai i Higuain sqaron situatën: “Ai nuk largohet nga Juventusi, do respekojë kontratën”

Historia e dashurisë mes Gonzalo Higuain-it dhe Juventusit duket se akoma nuk është gati për të përfunduar.

Këtë e lë të nënkuptohet babai i “El Pipitas”, që hedh poshtë zërat e fundit pas udhëtimit të sulmuesit në vendlindje duke siguruar se Higuain do të jetë një lojtar i bardhezinjve edhe gjatë 18 muajve të ardhshme.

“Çdo gjë që është thënë nuk është e vërtetë. Unë mund t’ju them një gjë, Gonzalo do të mbetet Juventusi sepse ai ende ka një vit e gjysmë kontratë dhe do ta respektojë atë”. – ka thënë i ati i 32-vjeçarit.

LEXO EDHE  Ernest Gjoka tregon bisedën që pati me Mourinhon pas ndeshjes Shkëndija-Tottenham

Ditët e fundit, falë vendimit të sulmuesit për të qëndruar në Argjentinë, ku ai ndodhet që prej 19 mars për t’i qëndruar pranë nënës së tij, zërat për të ardhmen e tij janë shumëfishuar dhe madje është folur për një përfundim të parakohshëm të kontratës.