Eksperti i shëndetit publik, Dr. Erion Dasho, përmes një postimi në rrjetet sociale këshillon testimin javor me tampon për punonjësit e Call Center dhe fasonerive, si një nga mënyrat për të parandaluar përhapjen e Covid-19.
Dasho shkruan se përmes këtij testimi do të përfitohen të dhëna mbi përhapjen e koronavirusit.
“Së pari, redukton ndjeshëm transmetimin e SARS-CoV-2 në këtë grup popullate të rrezikuar, ku punonjësit qëndrojnë tetë orë në mjedise ku jo gjithmonë është e mundur të respektohet distanca 2m.
Së dyti, duke testuar këtë grup popullate shohim dinamikat e infeksionit në popullatën e përgjithshme dhe merren të tjera masa inteligjente mbi “shtrëngimet” apo “lirimet” e nevojshme”, shkruan Dasho.
Reagimi i tij vjen në kuadrin e atyre që quhen “masa inteligjente” kundër Sars-Cov2. Në ditët e fundit ka një përhapje relativisht të gjerë të koronavirusit te punonjëset e fasonerive, çka po evidentohen kryesisht në Krujë dhe Kurbin, ku rastet me Covid-19 janv rritur ndjeshëm.
Postimi nga Erion Dasho
Shpesh miq realë dhe virtualë më kërkojnë të jap shembuj të atyre që i kam quajtur “masa inteligjente” dhe për t’ju përgjigjur interesimit, do të mundohem të jap çdo ditë një shembull të tillë. Dje fola në “ABC-në e mëngjesit” rreth javës së punës me katër ditë. Sot do të jap një shembull tjetër.
TESTIMI I TË PUNËSUARVE NË FASON DHE CALL CENTER
Testimi JAVOR (ditën e hënë paradite) i të punësuarve në fason dhe call center ka përfitim të dyfishtë:
Së pari, redukton ndjeshëm transmetimin e SARS-CoV-2 në këtë grup popullate të rrezikuar, ku punonjësit qëndrojnë tetë orë në mjedise ku jo gjithmonë është e mundur të respektohet distanca 2m.
Së dyti, duke testuar këtë grup popullate shohim dinamikat e infeksionit në popullatën e përgjithshme dhe merren të tjera masa inteligjente mbi “shtrëngimet” apo “lirimet” e nevojshme.
Për të ulur kostot, testimi mund të kryhet me protokollin 10 tamponë – 1 test dhe vetëm kur testi rezulton pozitiv, testohen 10 personat në fjalë. Kosto e testit 10 në 1 mund të ndahet midis pronarit dhe shtetit, kurse kosto e testeve të tjera, kuptohet se është përgjegjësi e shtetit.
Në këtë mënyre kostot mbahen relativisht të ulta, kurse përfitimi është i konsiderueshëm dhe i padiskutueshëm (siç edhe ka treguar shembulli i shumë vendeve).
