Italia është vendi europian më i goditur nga pandemia e Covid 19, ndërsa pas saj vjen Spanja, me një numër të lartë viktimash nga koronavirurusi. Pavarësisht masave të marra nga Qeveria italiane, ende nuk është ndalur vala e pandemisë.
Ministri italian i Shëndetësisë, Roberto Speranza, ka treguar sot mb planin me 5 pika kryesore, duke sqaruar se beteja kundër koronavirusit nuk është fituar, por objektivi ynë është të gjejmë një mënyrë për të bashkëjetuar me këtë kërcënim, derisa të gjendet një kurë apo vaksinë.
Gjithashtu Sperenza ka zbuluar detajet e planit strategjik për daljen graduale të vednit nga pandemia.
“Duhet të themi të vërtetën: situata mbetet dramatike. Emergjenca vijon dhe do të kemi muaj të tjerë të vështirë. Nuk dua të mashtroj askënd, është e kotë të mendosh se ka një zgjidhje shpëtuese. S’mund të jap një datë kur do të mbarojë gjithçka, pasi do të ishte e papërgjegjshme”, tha ai.
Mediat kanë raportuar se Italia po harton një plan për rikthimin e jetës normale për qytetarët. Megjithatë qeveria italiane ka sqaruar se aplikimi i këtyre masave për rikthimin në normalitet kërkon kohë.
Distancimin social dhe mjete mbrojtëse për të gjithë, spitale Covid në të gjithë territorin kombëtar, përforcim i rrjeteve shëndetësore lokale, studim për të kuptuar sa janë prekur dhe një aplikacion, si modeli i Koresë së Jugut, për të verifikuar kontaktet e personave të infektuar.
