Kreu i opozitës Lulzim Basha ka shprehur ngushëllimet për ndarjen nga jeta të artistit të madh shqiptar, Gëzim Kruja.
Në mesazhin e tij Basha shkruan se njerëz si artisti gëzim kruja mbeten përjetë mes nesh.
Mesazhi i Bashës:
Me hidhërim mësova lajmin e ndarjes nga jeta të Gëzim Krujës, artistit të madh shkodran të humorit që na fali buzëqeshje në ditë të vështira, e sot me dhimbje duhet ti themi lamtumirë.
Njerëz si ai mbesin përjetë mes nesh me dhuntinë për të na vënë buzagaz e për të parë më të mirën edhe në kohë vështirësish e sprovash.
Ngushëllime familjes Kruja, miqve dhe kolegëve të tij artistë. U prehtë në paqe!
