Nga Boldnews.al
Pandemia e coronavirusit po fut thellë e më thellë vendin në një të panjohur të madhe, ku testet janë në nivele skandaloze mjaft të ulëta, ndërsa rastet me “COVID-19” po shtohen frikshëm, duke rritur grafikun e vdekjeve më shumë se çdo vend i rajonit. Deri më tani regjistrohen 21 jetë të humbura, ndërsa të konfirmuara me raste të prekjes nga “COVID-19” janë 361 qytetarë.
Nga sëmundja që u ngjiz në Kinë dhe u shpërnda vrullshëm në çdo cep të botës, nuk mund ti shpëtonte dot as Shqipëria, por ajo që duhet ndalur është një dorë që po vret edhe më shumë se coronavirusi.
Vendi është nën terror. Për të dalë të blesh bukë, ujë apo ilaçe të duhet leje kryeministrore që të miratohet me shipkjen e qeverisjes virtual nga një palo portal, “e-albania” i cili edhe pse ka thither si gropë e zezë miliona euro, nuk funksionon. Zyrtarucët e kryeministrisë shprehen se ka dyndje kërkesash dhe “këllqet” që ka portali nuk mbajnë, por sërish qytetarët gjobiten kur dalin në rrugë, pasi nuk janë pajisur me leje dhe nuk kanë si pajisen kur vetë faqja “e-albania” bie sa e sa herë.
Këtë nuk do tia dijë kreu i qeverisë sonë, që edhe këtë pandemi po e përdor për të pompuar veten si “shpëtimtari i vendit”, duke vrarë në fillim shqisën e të menduarit të qytetarëve me gjendje lufte, avionë të padukshëm që bombardojnë, vdekje, arkivolë, varre masive dhe në fund të ditës del dhe shprehet se ai do ia dalë ta mposhtë të keqen, madje duke venë edhe epitetin vetes si “babai ynë”.
Kur një baba i “dehur” nga imagjinata e suksesit, deliri i madhështisë, prepotenca se ka në duar finacat “shtëpisë së madhe” dhe na ofron vetëm pak ushqime sa për të mbajtur frymën, kapërcen edhe në ushtrim dhune çfarë duhet bërë? Ai duhet abandonuar, përbuzur me heshtje dhe lënë në vetmi, qoftë edhe nën haluçinacionin e tij se ne jetojmë se
kemi këtë “baba” që na mban ende me frymë.
Po kërcënohemi me gjobë, burg, polici, ushtri, sekuestrim, ndalim, kufizim dhe ne nuk kemi asnjë të drejtë që “babain e kombit” që po pranohet me bindje të plotë edhe si “babai biologjik” i krijesës Rilindjes të kundërshtohet.
Nuk proteston dot se është e ndaluar, edhe nëse reagon në profilet të ndryshme në rrjete sociale një luguni nëpunërish qëmtojnë si minj magazinash çdo koment negative dhe të shpallin armik në këtë situatë “lufte”.
Ka edhe me keq që edhe një “karamele” sa për joshje, e ndan sipas bindjeve politike. Pako me ushqime kanë shkuar kryesisht tek të varfërit që janë votues të deklaruar të pushtetit.
Ajo varfëri ua ka mpirë mendjen, ndërsa ankthi i ka kapluar se duke besuar atë që thotë “lideri shpirtëror” vërtetë druhen nga lufta, bombat imagjinare, mijëra të vdekur që dergjen rrugëve, aplikalips që nuk gjen dot më as vend për varre.
Kushdo që kundërshton ka policinë mbi kokë, të rendit apo bashkiake, ka edhe ushtri të hipur majë makinash më mitroloza. E ky baba që duhet abandonuar nga sjellja agresive dhe sidomos psikologjike vazhdon të jetojë i qetë në kështjellën e tij dhe hartimet nëpërmjet telefonik i kthen në akte normative, që po zbatohen deri në kalim “norme” nga strukturat, kryesisht ata të dhunës, polici dhe ushtri.
