Itali, humb jetën 28-vjeçari shqiptar i prekur nga Covid-19/ Emri

Një 28-vjeçar shqiptar ka humbur jetën si pasojë e Covid 19.

Shqiptari humbi jetën në banesën e tij, ndërsa kishte dalë nga spitali 10 ditë më parë, pasi tamponi i parë e nxorri negativ me infeksionin që ka shkaktuar mijëra të vdekur në mbarë Botën.

Mediat italiane raportojnë Lucjan Elezi, me origjinë shqiptare, jetonte në Val di Fassa, prej disa vitesh.

28-vjeçari, me banim në komunën e San Giovanni di Fassa-Sèn Jan, ishte larguar nga spitali në Rovereto rreth dhjetë ditë më parë, pasi kishte pasur shenja përmirësimi nga koronavirusi.

Gjendja e tij kur ishte shtruar në spital ishte e rënduar, por me kalimin e ditëve, përmirësimet kishin qenë të dukshme, dhe testi i parë e kishte nxjerrë atë negativ me Covid-19, ndërsa priste të bënte testin e dytë konfirmues.

LEXO EDHE  Ja pse nuk duhet ta ulni maskën poshtë mjekrës

Por problemet me mushkëritë dhe frymëmarrjen, që kanë vazhduar edhe pas daljes nga spitali, duke i shkaktuar edhe humbjen e betejës me koronavirusin.

Ai kishte punuar në sektorin e ndërtimit, së bashku me disa të afërm, dhe më pas kishte gjetur punë në qendrën e Refugjatëve Fredarola në Canazei, ku të gjithë e kujtojnë atë si një punëtor të zellshëm.