Një ekip prej 30 mjekësh shqiptarë do të mbërrijnë në Bergamo, pasditen e sotme, për të mbështetur Italinë në situatën e emergjencës ndaj koronavirusit.
Lajmi raportohet nga mediat italiane, sipas të cilave, mjekët do të mbërrijnë në aeroportin e Romës, por do të veprojnë në të gjithë qytetin e Bergamos, ku do të transferohen.
Vajtja e personelit shëndetësor shqiptar në Itali është fryt i një marrëveshjeje mes kryeministrit shqiptar Edi Rama dje ministrit të jashtëm italian Luixhi Di Maio, shkruan abcnews.al.
Mjekët do të qëndrojnë në Itali një muaj dhe do të paguhen nga Shqipëria.
Sipas mediave italiane, Kryeministri shqiptar është shprehur se nuk mund të shihte Italinë në kaq shumë vështirësi dhe do të ndihmojë sepse shqiptarët e duan Italinë.
Ministri Di Maio u shpreh se mjekët shpëtojnë jetë dhe në këtë moment vendi po rizbulon vlerën më të rëndëishme që është jeta. DI Maio do të presë mjekët shqiptarë në aeroport.
DENONCO