Covid 19 në Shqipëri, ja sa mjekë janë shëruar nga koronavirusi

Numri i personave të prekur nga Covid 19 në Shqipëri ka arritur në 197 persona, nga të cilët 74 ndodhen të shtruar në spitalin Infektiv.

Covid 19 ka shkaktuar 10 viktima në Shqipëri, ndërsa deri më sot rezultojnë të shëruar zyrtarisht 33 pacientë. Midis tyre janë edhe 6 punonjës shëndetësorë, 3 prej të cilëve janë mjekë.

Katër nga pacientët e shtruar në Infektiv ndodhen në terapi intensive, ndërsa pjesa tjetër raportohet për një gjendje të stabilizuar.

Qyteti më i prekur nga Covid 19 rezulton Tirana me 113 raste, ndërsa pas saj vjen Fieri me 21 raste, ku 6 janë punonjës të zyrës së Thesarit.