Nga dita e hënë do të nisë operacioni për kthimin në Shqipëri të shqiptarëve që kanë mbetur në vende të ndryshme, si pasojë e mbylljes së kufinjve nga pandemia e Covid 19.
Kjo u bë e ditur nga Kryeministri Edi Rama, i cili u shpreh se operacionet do të kryhen pa pagesë nga ana e qytetarëve, ndërsa kompania që do të bëjë të mundur rikthimin e tyre është Air Albania.
“I takon Lasgushit t´ju kthejë në shtëpi, besoj se nesër do të publikohet edhe kalendari se si do të zhvillohet ky operacion humanitar, që do të nisë të hënën, ndërkohë që po sigurohen lejet special për të bërë të mundur fluturimet në një kohë kur kufinjtë janë mbyllur”, tha Rama.
