Ylli Manjani, ish-ministër i Drejtësisë, ka ironizuar vendimin për lirinë e përkohshme që i është dhënë disa prej të burgosurve, pas përhapjes së koronavirusit në Shqipëri.
Manjani shkruan se Qeveria vendos të kufizojë liritë e qytetarëve në liri dhe, njëkohësisht u jep liri atyre që gjykata ua ka hequr!
“I hapi burgjet pa vendim gjykate dhe pa një ligj për amnisti, por thjesht me një vendim të marrë jo në një mbledhje të rregullt e zyrtare, për më tepër”, shkruan Manjani.
Sipas tij, Kryeministri vendosi një precedent.
“Nesër, kundërshtarët e Bosit, mund të bëjnë të njëjtën gjë por në invers. Dmth nxjerrin një akt normativ për të futur në burg vetë Bosin!!
Larg qoftë, por e mundshme është me precedentin fantastiko-shkencor që ka hapur tashmë…”, shkruan Manjani.
Postimi nga Ylli Manjani
Qeveria vendos të kufizojë liritë e qytetarëve në liri dhe, njëkohësisht u jep liri atyre që gjykata ua ka hequr! (Vendos jo xhanëm, po zbardh urdhërat e Bosit në letër).
I hapi burgjet pa vendim gjykate dhe pa një ligj për amnisti, por thjesht me një vendim të marrë jo në një mbledhje të rregullt e zyrtare, për më tepër.
Logjika zhivë fare! Precedenti unik!
Shih kur t’ia “kopjojë Italia” edhe këtë vendim brilant..! Spanja po i vjen vërdallë ta kopjojë më shpejt. Gjermanët po presin damarët na inati që s’u vajti mendja më parë… 😀
Akoma ka shqiptarë që besojnë se hapja e burgjeve është gjë e mirë dhe se kjo ka ndodhur dhe në vende të tjera!!! 😔😔😔
Zaten prandaj dhe Bosi tall trapin me kët vend…
Por imagjinoni ç’precedent ka çelur. Nesër, kundërshtarët e Bosit, mund të bëjnë të njëjtën gjë por në invers. Dmth nxjerrin një akt normativ për të futur në burg vetë Bosin!!
Larg qoftë, por e mundshme është me precedentin fantastiko-shkencor që ka hapur tashmë…
