Pesë persona janë transportuar drejt spitalit Infektiv në Tiranë gjatë orëve të mbrëmjes dhe djeshme dhe natës që sotme.
Burime spitalore bëjnë të ditur se 5 personat dyshohet se janë prekur nga Covid 19,ndërsa pritet që testet të konfirmojnë ose jo infektivimin e tyre.
Pacientët e rinj janë të moshave të ndryshme nga 24 deri në 65 vjeç, bëjnë të ditur burime spitalore.
Një ditë më parë Ministria e Shëndetësisë bëri të ditur se numri i personave të prekur nga Covid 19 në Shqipëri ka arritur në 89 persona, ndërsa 3 pacientë që vuanin nga sëmundje të tjera kanë humbur jetën.
Kjo javë që sapo ka hyrë, konsiderohet nga autoritetet shëndetësore si java e pikut e personave që mund të jenë prekur nga koronavirusi, që prej javësh ka pushtuar mbi 100 vende në mbarë Botën.
Italia rezulton vendi më i prekur në Europë, ndërsa mban vendin e parë përsa i takon numrit të viktimave, shfër që ka kaluar mbi 5 mijë persona.
Pas Italisë, në Europë, vendi më i prekur është Spanja, ndërkohë që Gjermania dhe Austria, raportojnë rastet më të pakta lidhur me humbjen e jetëve njerëzore, edhe pse ka një numër të konsiderueshëm të infektuarish.
