Kryeministri Edi Rama përmes rrjeteve sociale sqaroi se transporti i automjeteve që përdoren për furnizim mallrash ushqimore është i pakufizuar.
Rama shkruan në rrjet se fasha e lëvizjes 05:00-13:00 kufizon vetëm konsumatorët dhe punonjësit e sektorit publik apo privat që dalin ende në punë, por jo lëvizjen e mallrave për furnizimin e tregjeve.
Postimi i Ramës
🔴 TË GJITHË ATA QË PRODHOJNË DHE TRANSPORTOJNË USHQIME, NË FSHAT A NË QYTET, NUK KANË PASUR DHE NUK KANË ASNJË KUFIZIM NË LËVIZJEN E MALLIT PËR TË KRYER FURNIZIMET E NEVOJSHME TË TREGUT!
🔴 ORARI 05.00 – 13.00 KUFIZON BRENDA KËSAJ FASHE KOHORE KONSUMATORËT DHE PUNONJËSIT NË SEKTORIN PUBLIK APO PRIVAT QË DALIN AKOMA NË PUNË, JO TRANSPORTIN DHE FURNIZIMIN E MALLRAVE USHQIMORE!
🔴 MIRËNJOHJE TË GJITHË PRODHUESVE, TRANSPORTUESVE DHE FURNIZUESVE TË MALLRAVE USHQIMORE, NË FSHAT E NË QYTET, QË JANË SOT GARANTËT E MËDHENJ TË REZISTENCËS POPULLORE🙏
