Boiken Abazi, një prej drejtuesve të Vetëvendosjes në Tiranë, ka reaguar lidhur me situatën politike në Kosovë, pasi Kryeministri Albin Kurti deklaroi largimin e ministrit të Brendshëm, përfaqësues i LDK-së, pa u konsultuar me aleatët në qeverisje.
Abazi ka postuar në rrjet reagimin e europarlamentares gjermane, Raportuese për Kosovën pranë Parlamentit Evropian, Viola von Cramon.
Ajo e ka cilësuar sot atë që po ndodh në Kosovë si në vijim: “Nëse LDK-ja paraqet mocion mosbesimi ndaj Qeverisë, pjesë e së cilës është, atëherë një gjë e tillë do të nënkuptonte katastrofë, jo vetëm për Kosovën, por edhe për rajonin”.
Më tej ajo ka shtuar: “Një lloj grusht shteti në stilin e Kosovës. Nuk është mirë kështu Hashim Thaçi.”
DENONCO